Ydych chi’n berson anabl sy’n frwd dros hawliau a chydraddoldeb anabledd?
Allwch chi gynnig syniadau newydd i helpu i symud ein sefydliad yn ei flaen a rhoi llais cryfach i bobl anabl ledled Cymru? Mae’r dyfodol yn gyffrous yma yn Anabledd Cymru a gallech chi fod yn rhan ohono drwy wneud cais i ymuno â’n Bwrdd fel Trysorydd.
Anabledd Cymru yw cymdeithas genedlaethol Sefydliadau Pobl Anabl sy’n ymdrechu i sicrhau hawliau a chydraddoldeb i bobl anabl yng Nghymru. Drwy wneud cais i fod yn Drysorydd Anabledd Cymru, gallech chi helpu i lunio ein dyfodol a chefnogi ein gwaith ar gynllunio ariannol a chynaliadwyedd.
Ar ôl cael ei benodi, bydd yr ymgeisydd llwyddiannus yn cael blwyddyn i gysgodi ein Trysorydd presennol cyn ymgymryd â’r rôl yn ystod hydref 2026. Darperir cyfleoedd ar gyfer dysgu a datblygu a bydd yn cael ei gefnogi’r llwyr.
Fel Sefydliad Pobl Anabl, ein nod yw dangos arferion llywodraethu da. Rydyn ni’n ymdrechu i ddarparu amgylchedd cefnogol a chwbl gynhwysol sy’n galluogi Cyfarwyddwyr i ffynnu a manteisio i’r eithaf ar eu doniau drwy amrywiaeth o gyfleoedd.
Angen geiriau calonogol cyn i chi wneud cais? Gwyliwch y fideo byr hwn i glywed sut beth yw bod yn gyfarwyddwr, gan ein cyfarwyddwyr eu hunain.
Rhagor o wybodaeth
| Teitl y rôl | Trysorydd (Cyfarwyddwr / Ymddiriedolwr) |
| Yn atebol i’r: | Cadeirydd a Bwrdd y Cyfarwyddwyr |
| Cyfnod yn y Rôl: | Hyd at dair blynedd |
| Pwrpas y rôl: | Goruchwylio holl faterion ariannol Anabledd Cymru yn gyffredinol ac arwain y gwaith o gynllunio a chyllidebu ariannol, yn ogystal â sicrhau bod y cyllid yn cael ei wario ar yr eitemau priodol Ynghyd â chyd-Gyfarwyddwyr/Ymddiriedolwyr, bod yn gyfrifol am ddatblygu polisi a gwaith Anabledd Cymru; rheoli’r sefydliad gan gynnwys ei arian a’i bobl; a gwasanaethu buddiannau gorau Anabledd Cymru bob amser |
| Ymrwymiad: | Adrodd i’r Bwrdd yn rheolaidd gan gynnwys drwy baratoi a chyflwyno cyllidebau, gan sicrhau bod y Bwrdd yn cael yr wybodaeth briodol am sefyllfa ariannol Anabledd Cymru Cymryd rhan mewn trafodaethau a phenderfyniadau; darllen papurau cyn y cyfarfodydd; mynychu a chymryd rhan yn Sesiynau Cynefino’r Bwrdd a Hyfforddiant arall yn ôl yr angen; cymryd rhan mewn Arfarniad Blynyddol a chyfweliadau datblygiad personol gyda’r Cadeirydd |
| Treuliau | Rôl wirfoddol yw hon. Bydd unrhyw fân dreuliau’n cael eu talu’n unol â pholisi Anabledd Cymru. |
Dyddiad cau: Hanner dydd, 26 Medi 2025
Cyfweliadau: Dyddiadau i’w cadarnhau.
Oes gennych chi ddiddordeb mewn ymuno â ni ac ymdrechu i gael Cymru fwy cynhwysol i bobl anabl? Gwnewch gais heddiw, rydyn ni’n edrych ymlaen at glywed gennych chi!
Os oes gennych chi unrhyw gwestiynau, anfonwch e-bost at Leandra Craine – membership@disabilitywales.org.
