Rydym yn falch o lansio O Oroesi i Ffynnu: Maniffesto Pobl Anabl 2026–2031, galwad feiddgar a chydweithredol am newid wedi’i lunio gan leisiau a phrofiadau pobl anabl ledled Cymru.
Wedi’i ddatblygu mewn partneriaeth â’n haelodau Sefydliadau Pobl Anabl (SPA), ein gweithgor polisi mewnol a mwy na 250 o bobl anabl a gyfrannodd drwy arolygon, ymchwil ymgynghori a grwpiau ffocws, mae’r manifesto hwn yn nodi ein gweledigaeth ar gyfer Cymru gyfartal a chynhwysol. Mae’n galw ar wneuthurwyr penderfyniadau i weithredu ar draws pum maes allweddol i hyrwyddo cydraddoldeb, hawliau a chynhwysiant.
O Oroesi i Ffynnu 2026-2031 CYM FINAL.pdf
Dan arweiniad yr egwyddor ‘Dim byd amdano ni hebddo ni’, rydym wedi ymrwymo i sicrhau bod SPA a phobl anabl wrth wraidd gwneud penderfyniadau yng Nghymru.
Mae Anabledd Cymru, y corff cenedlaethol ar gyfer SPA yng Nghymru, yn cynrychioli aelodaeth amrywiol a chroestoriadol sy’n cynnwys 19 o aelodau pleidleisio llawn, grwpiau anabledd ehangach a dros 600 o bobl anabl unigol, y mae eu profiadau byw a’u harweinyddiaeth wedi llunio blaenoriaethau’r manifesto hwn.
Gallwch ei lawrlwytho’r maniffesto mewn sawl fformat isod. Mae pob un yn cario’r un neges graidd: adeiladu Cymru lle mae gan bobl anabl yr adnoddau, yr hawliau a’r cyfleoedd i fyw bywydau llawn ac annibynnol.
Fersiwn Iaith Arwyddion Prydain a sain
Sut allwch chi gefnogi
- Rhannwch y Maniffesto mor bell ac eang â phosibl, rhannwch gyda’ch rhwydweithiau, postiwch amdano ar gyfryngau cymdeithasol, ac anfonwch at ASau
- Wrth bostio ar gyfryngau cymdeithasol, tagiwch ni ym mhobman @disabilitywales a defnyddiwch yr hashnodau #ManiffestoAC a #OOroesiIFfynnu. Peidiwch ag anghofio gwneud eich cynnwys yn hygyrch trwy briflythrennu llythyren gyntaf pob gair mewn hashnod, ychwanegu disgrifiadau ALT at luniau a chapsiynau ar fideos
- Galwch ar ymgeiswyr/aelodau Senedd presennol neu yn y dyfodol i gwblhau ein harolwg ymrwymiad.
- Defnyddiwch ein fframiau cyfryngau cymdeithasol dwyieithog i ddangos eich cefnogaeth i’r Maniffesto yn eich llun proffil. I wneud hyn, cliciwch ar y ddolen hon i ymweld â’r ffrâm, uwchlwythwch lun ohonoch chi’ch hun neu logo eich sefydliad, lawrlwythwch y ffrâm a newidiwch eich llun proffil.
