Beth yw Cronfa Mynediad i Swyddi Etholedig Cymru?
Mae pobl anabl yn parhau i fod heb gynrychiolaeth ddigonol ym mywyd gwleidyddol Cymru.
Nod Cronfa Mynediad i Swyddi Etholedig Cymru yw newid hynny drwy helpu i gael gwared ar rwystrau ymarferol. Mae’n gwneud hyn drwy dalu’r costau ychwanegol y gall ymgeiswyr anabl eu hwynebu wrth sefyll mewn etholiad. Mae’r gronfa ar agor i ymgeiswyr pleidiau gwleidyddol ac ymgeiswyr annibynnol.
Wedi’i gweinyddu gan Anabledd Cymru a’i hariannu gan Lywodraeth Cymru, mae’r gronfa’n cefnogi pobl anabl i gymryd rhan lawn mewn democratiaeth.
Yn 2020, gwnaeth Cymru hanes fel y genedl gyntaf yn y DU i lansio cronfa o’r fath ar lefel cyngor cymuned, gan atgyfnerthu ei hymrwymiad i ddemocratiaeth gynhwysol a chynrychioliadol.
Yn 2025, fe wnaeth Llywodraeth Cymru gymeradwyo ail rownd o’r cynllun i gefnogi ymgeiswyr anabl sy’n sefyll mewn etholiad i’r Senedd yn 2026 a Llywodraeth Leol yn 2027.
Ydych chi’n ystyried sefyll mewn etholiad?
Os ydych chi’n berson anabl yng Nghymru ac eisiau ceisio swydd etholedig, gall y gronfa hon eich cefnogi gyda’r costau na allai ymgeiswyr nad ydynt yn anabl eu hwynebu. Gwnewch gais heddiw a chewch y gefnogaeth sydd ei hangen arnoch i ymgyrchu ar delerau cyfartal.
Beth all y gronfa eich cefnogi ag ef?
Gall y gronfa dalu ystod eang o gostau, gan gynnwys ond heb fod yn gyfyngedig i:
- Dehonglwyr Iaith Arwyddion Prydain (BSL)
- Cynorthwywyr personol
- Trafnidiaeth hygyrch
- Technoleg gynorthwyol
- A mwy…
Cysylltwch â Ni
Sut i Wneud Cais
- E-bost: electedofficefund@disabilitywales.org
- Post: Cronfa Mynediad i Wleidyddiaeth, Disability Wales / Anabledd Cymru, Sbarc/Sbark, Maindy Rd, Caerdydd, CF24 4HQ
Ffurflen Gais Cronfa Mynediad i Swyddi Etholedig 2027 (Dogfen Word)
